بعدني اشتكاكلك واتذكرك دوم

[ندعوك للتسجيل في المنتدى أو التعريف بنفسك لمعاينة هذا الرابط]

قصيدة بعدني اشتكاكلك واتذكرك دوم {منقول}

[ندعوك للتسجيل في المنتدى أو التعريف بنفسك لمعاينة هذا الرابط]
بعدني اشتكاكلك واتذكرك دوم
وملامح صورتك تشغل خيالي
واذوب واشتهيك اتعودلي انوب
واشمنك هوى ويرتاح بالي

[ندعوك للتسجيل في المنتدى أو التعريف بنفسك لمعاينة هذا الرابط]
احبك مو مثل باقي اليحبون
لحد ما اشتهيك اتصير زادي
مكان الغيركم ما باقي بالروح
ولا ظن يرهم الغيرك ودادي
جنت وياك اضوكَن فرحة العيد
ومن دونك يمر العيد عادي
بكَلب ابيض عشتها وياك الايام
وغبت عني وغطس كَلبي بسوادي
حدادي عليك صدكَـ تارس الروح
وبعد لتظن افك حزني وحدادي

[ندعوك للتسجيل في المنتدى أو التعريف بنفسك لمعاينة هذا الرابط]

اكَبالي اتصير كلما يكَبل الليل
وحنيني الشوفتك يكبر اكَبالي
وتهل دموع عيني اتسولف وياك
واكَلك شوفني اشصاير بحالي

[ندعوك للتسجيل في المنتدى أو التعريف بنفسك لمعاينة هذا الرابط]
دوم اتمنى ابوس اجفوفك ابشوكَـ
واشبع شوف من ذيج الشفايف
يمن طولك غصن ويغازل الريح
وعليك من النسيم الهاب خايف
معود بس تعال وزورني بطيف
اضلوعي اتصير لجدامك مضايف
مو بالخمر صدكَـ بيك سكران
وما اصحه واظل سكران حالف
انا من الشوكَـ اخاف اتسودن عليك
واتسودن صدكَـ مو بالسوالف

[ندعوك للتسجيل في المنتدى أو التعريف بنفسك لمعاينة هذا الرابط]
ادلل بيك دمعة بطارف العين
عفتني وعفت دمعاتي ودلالي
وكَمت انشد عليك العين كل ساع
هم يرجع الي ويسمع سؤالي

[ندعوك للتسجيل في المنتدى أو التعريف بنفسك لمعاينة هذا الرابط]
يا بلسم جروحي وسلوة اغناي
ياغبشت الدنيا وكل فرحتي
ابسبب فركَاك بين شيب بالراس
وباكَـ الوكت من شفتي ضحكتي
واكَول انساك بلكي وباجر ارتاح
واشوف ابوجنتي اترسمك دمعتي
جنت شمعتي حياتي التطرد الليل
وغيرك ابد ما يصلح شمعتي
منك مو بعد ما شبعت الروح
ولا ضاكَت ندى شفافك وردتي

[ندعوك للتسجيل في المنتدى أو التعريف بنفسك لمعاينة هذا الرابط]
منو مثلي محب يتوسل الموت
بلكي ابموته ايشوفك يغالي
ضعت من بين اديه وصارت الآه
تونس الروح من تخطر ابالي

[ندعوك للتسجيل في المنتدى أو التعريف بنفسك لمعاينة هذا الرابط]
تحياتي

شكرا لكي لغة العيون على نقل هذه القصيدة
تقبلي مروري مع فائق الشكر والاحترام مع
اجمل باقة ورد عطرة
[ندعوك للتسجيل في المنتدى أو التعريف بنفسك لمعاينة هذه الصورة]

شكرا لك امير الليل
اسعدني مرورك

[ندعوك للتسجيل في المنتدى أو التعريف بنفسك لمعاينة هذا الرابط]