مجموعة زهيريات عراقية

جبتلكم مجموعة زهيريات انشالله تعجبكم sunny

راح وكسر خاطري ولملم طيوفه وشال
ونهر المحبه نشف ظلت جروفه وشال
الزمن ما عافني رد عالكفوف وشل
ما عفت حبك انا گلبي على گلبك ظل
عالهجر شو تعتني عالوصل دومك ظل
بچتافي اغطي الشمس بالصيف اصيرن ظل
لو مر عليك الشتا لفني على صدرك شال

حاير حبيبي الك شكتب وشرسل ورد
تمنيت كون أوصلك ونطيك كلبي ورد
بالروح حبك زرع بستان خضرورد
وسهام حبك صفن بالكلب ميه والف
بس أنت ولفي صرت ما عندي غيرك ولف
لو أبقى طول العمر أفتر ودور ولف
ما ألكى مثلك محب أروى بحنانه ورد

عيد الخوي اجه ومو هاذا طبع ايدي
وحروف تقهر صديقي ماهي طبع ايدي
ياماما درس الشعر مفتهمو طب عيدي
خايف اسوي العتابه بوزن موليه
وبكلبي ع هالوطن ليات مو ليه
عيد الفطر والفصح والأضحى مو ليه
يومن وطنه يتحرر كولي طب عيدي

زدت فوك هم العلي هم انت
حبيت وتغيرت والسبب هم انت
عفت كل ربعي وكلت الاهم انت
مريت ولي كدرت عليه بس امرها
خفت يطلعلي من الحلوه بس مرها
ولمن رحت الها دكتني بسمارها
وردتني بكل جفاء وكالتلي هم انت!!!

ماضل طعم للفرح ياعيد منته النه
جف الحزن للهضم وابعدنه من تلنه
دور عمرنه المضه من اولنه من تلنه
نيران تجوه الگلب ورت گفاه وجاي
ومن حر لهبهه الجمر منه يتوگه وجاي
ياعيد ليش اتعبت نفسك اليمنه وجاي
ياعيد محنه هلك ياعيد منته النه

بقاموس قلبي تره بس اسمك انت ورد
والعطش ماهمني كلت الكه عدكم ورد
حسبالي انت الي وطشيت عمري ورد
ثاريك ابد ماتحب لن مسألت عني
ولاهمك انت الجره وشنهو سبب عني
مدامك انت الكلت روح ابتعد عني
رايح انه للأبد لضن احنن ورد

عرفت ياهو الذي سم بكلامك داس...
تدري بكليبي الوفي حافي على جمرك داس..
راضي بخسارة عمر بس منك اربح داس...
وكضيت هذا العمر وياك انا عليت
ويامى بصدودك ترف هذا الكلب عليت..
بالحلم ساسك قوي وفوكاه قصر عليت ..
بس بالصحو ياللاسف طابوكه وحده وداس..

جاني سلامك عجل ياصاح واشجاني
وخلى بدليلي حزن والام واشجاني
ذنبي يغالي شنو اشسويت وش جاني
وانت عليه صرت ببلاد ما صلها
روحي عليك اشتهت وتريد ماصلها
تشتاك كل الوكت لفراك موصلها
حتى عيوني اهملت ياحيف وشجاني

حسنك مصيبة وعليك الناس منتبهة
وبيك نتحدى الكمر ونكول منتبهة
الكالك كل صفات الحسن منتبهة
غلطان حيث الحسن كلة يجي دونك
عزيز وادري بأن طبع الوفى دونك
لو خيروني بجنان الخلد من دونك
ارفض ولا اريد جنة خلد منتبهة

دنياك مهما تغثك بالصبر كفها
وان سرتك يوم لا تامن سطر كفهة
ودموع عينك اذا جنت بقرب كفها
تمشي وياك على درب الضباب جتاف
وهيهات توصل اذا مالك سند وجتاف
زمان الذي شد الصكر بجتـــــاف
وخلة الزرازير تمشي على كيفهة

كالولي كلبك هوه كلت الكلب ما هوه
كالولي طاح الجبل كلت الجبل ما هوه
كالولي تعرف وطن كلت الوطن ما هوه
كالوا عليه انسطر وانصاب عقله وجن
وهمومي عني ابعدن وانوب ردن وجن
وحشاي وسط الجسم ابنار شبن وجن
لن الوطن للغرب وابن الوطن مــــاهوه

احنا ذوات العرف ما نقبل الفتنه
يخسى النذل لو على جمر الغضا فتنه
يا فاتن الشوق بدروب الهوى فتنه
لو شمرن فوق شملول الشجاعة نحب
ياما دعينا الخصم باكي بطرفة نحب
احنا عزاز النفس اللي يحبنا نحب
ومن فات عن حالنا عن حالته فتنه

قصتي العليه سدت من كل غريبه ... غراب
انه غريب بهلي واهلي عليه .... غراب
من دون كل النجم نجمي بسماك ... غراب
عليت فوكَ الكَلب من عندك انه .. شعل
حاركَني حبك حركَ شاعل كَليبي ... شعل
جانن طيور العمر كلهن مساكي .. وشعل
شنهو الجره يا ترف صارن اليوم .. غراب

من يوم مسره الضعن هذا الكَلب ... منجله
وجرحك حبيبي تره بكَلبي ابد .... منجله
درب الهلاك الصدكَ ودرب الجذب ... منجله
احنه اهل للصدكَ والي نكر ... ودنه
ينزل بعين الخلكَ لحد السفح ... ودنه
بيوم الحصاد الرب محد كَرب ... ودنه
وبيوم كَاعي محلت كلمن لزم ... منجله

غركَان وسط البحر واتكَلي جرلك ... نفس
وتدري بهذاك الوكت حالي احسه... نفس
حال الي فاكَد وطن والفرح من ...انفس
والدنيا يا خي بحر يحوي شكثر... وسعه
هم للتحبه بصدكَ دوس الخطر... وسعه
هنيالي كون اندفن بعيونك... الوسعه
واتحمل الصار من عين البشر والنفس

الباب التجي الريح منه لا تفتحه ... سده
والغيري ماضن جره مثل العليه ... سده
اتراب ارضي كلش حلو ويستاهل .. اتوسده
من طاح هذا الوطن بالشده من ... ساعده
كطعوا اجفوفه وصل بتروه من ... ساعده
عديت انه وكَلت هيهات .... منسه عده
واحد يضل الهل شعب معروف لحمه بسده

كلبي الكبل ما يون بجفاك ون انتة
وضنيتك انتة الفرح تاليك وان انتة
مامش طيوفك واباري بشوك وان انتة
ماخوذ مني وخيالك ابد ما لحضة
ورسمك يازين النبة مبعد علي لحضة
مشتلك اشوفك ولو مشوار لو لحضة
وين انتة روحي دنت على الموت وين انتة

» سلطة عراقية ......
» ‌أمثال عراقية وأصولها
» مجموعة من الدارمي والزهيري