مجموعة من الدارمي والزهيري

كلبك قسة وياي يانور العيون
تطلبني حك بهاي واني الك مديون
**************************
تعرفني يامحبوب روحي يغرامك هامت
حكي اشتكيلك الك لن روحي بغيابك ماتت
*************************
بيدك تطيب اجروح كل الخلك ليش
تعرفني كلش زين من غيرك ابد ماعيش
****************************
تدري العشك يفلان يعذب الروح
ادري القلب حزنان ويندي الجروح

********************************
تدري البعد يفلان قاسي بصفاتة
وطيب الاصل يفلان يبقى وية ذاته
**************************
بس انته تعرف زين نبض القلب بيك
لو يمي يلمحبوب برموشي اغطيك

************************
كل العيون اتروح فدوة لعيونك
ماتسوى يلمحبوب هلدنية دونك
***********************
موبيدي يبن الناس هل قلب حبك
لاتحرم الملهوف خاف الله ربك

**************************
بس انته بين الناس يعجبني ذوقك
دمك عسل يازين خليني اظوكك
*************************
راح وكســر خاطري ولملم طيوفه وشال
ونهــر المحبـه نشف ظلت جروفه وشال
الزمــن ماعافنـي رد عالـكفوف وشـل
ماعفت حبــك انا كلبـي على حبـك ظل
عالهجر شو تعتنـي عالوصــل دومك ظل
بجتافي اغطي الشمس بالصيف اصيرن ظل
لو مر عليك الشتا لفني على صدرك شال