_-(بــــعـــــدمـــا ريـــد فـــيــزا)-_

مشرف عدد المساهمات : 62 تاريخ التسجيل : 13/11/2010

بعد ما أريد فيزا

بعد ما أريد فيزا ولا لجوء انسان

عمت عين الاقامه الي دنست صيتي

واشكر كل صديق وكل خوي وكل جار

قفل بابه ورفض يقبل عراقيتي

خلف الله عليكم والوقت دولاب

لا بد يوم ينزل بيكم ارضيتي

لان اول امس كل البشر كرام

جانوا بالعراق واكلوا ابيتي

جان الضيف عندي مكرم ومهيوب

فوگ الراس اشيله وهاي تربيتي

ما داعي اسولف وانه ابو النهرين

ياهو الما سمع اخبار حنيتي

بعد بصمات اديهم والطبع موجود

من جانوا جياع بوسط صينيتي

يا دنيه حرام ومنكر ومكروه

اذا ابن العراق اليوم وطيتي

معقوله نسيتي اسم العراق بساع

لو مثل البشر همّن تناسيتي

ميفيد الحچي ولا تنفع الچلمات

راجع يا وطن لترابك الزيتي

راجع يا حبيبة گلبي يا بغداد

وادرى بكثر ما ونيت ونيتي

وادري لوحّدج عفناج صار سنين

وادرى من الحزن تابوت سويتي

جيب الاغتراب وحطه بالتابوت

يا غربه العراق شكثر اذيتي

ما اعيش ببّحر مالح طعم يا ناس

انا بسجن الفرات وفقط حريتي

وترابي ذهب والگاع من ياقوت

ومن ثوب الكرامه البسهه بيريتي

واذا گالوا لترجع والوضع مو زين

اگول اني الوضع والزين تاليتي

وميهمني بعد الي يصير خلي يصير

طعم الموت اشرف من هجر بيتي

اموت بوسط خوتي ويا حلاة الموت

من اجمع اهلنه واكتب وصيتي

وصيتي لو متت لتچفنوني چفان

لفوني بعلمنا وهاي امنيتي

واذا تردون اليه بهالگبر ارتاح ...

امانة الله دفنوا وياي جنسيتي

امانة الله دفنوا وياي جنسيتي

يسلمو الايادي واتمنالك دوم الموفقيه غلاي