تعودنه ...

قصيدة تعودنه


تعودنه الفجر نتلاكه انه وياك
وعلى اخيوط الصبح نتغطه ونام
وياخذنه الغرام وننسه كل الكون
ولف ايدي اعلى خصرك لفت احزام
وتندهنه الشمس لوباست الوجنات
وعلى كرصت ضواها تفز الاحلام
هسه اتاخرت ماجيتني اليوم
ليش اتاخرت من دون الايام
شكل الناس عنك من يسالون
ونضرات الشماته التمطر اسهام
انه ابجبهت قنابل والشماته اسلاح
غشيم انته وعفتني ابنص الالغام
انكسر حايط صفنتي وصيحت مرعوب
حسبالك تلزمه الكلب لو هام
صرت كلي ورق ونته عفتني ابنار
وجمرات المفارك صارن اقلام
حجو كلهم حجو من انته ماجيت
اشترو رايات بيضه ورفعو اعلام
شيهمني الحجي لو رادو ايلومون
محب فارك حبيبه اشلون يلام
تعال وانه اكلك راضي بالموت
وصير انته الحكم وحكمني بعدام
وفكنه امنل سوالف والحجي الموزين
واخذني ابليل شعرك خل نرد انام

[ندعوك للتسجيل في المنتدى أو التعريف بنفسك لمعاينة هذا الرابط]

اسعدني مرورك

كلماتك هية من زادت القصيدة روعة

يسعدني تواجدك الدائم في صفحاتي

تحياتي الك

[ندعوك للتسجيل في المنتدى أو التعريف بنفسك لمعاينة هذا الرابط]