------------------ ناي بليله تنزف نغمة وداع ------------------

[ندعوك للتسجيل في المنتدى أو التعريف بنفسك لمعاينة هذا الرابط]

ناي بليله تنزف نغمة وداع
أشتهيتك وانچفت حفنة سوالف

[ندعوك للتسجيل في المنتدى أو التعريف بنفسك لمعاينة هذا الرابط]

صبح ضحكاتك وليل الدمع ذاك
وحياة عيونك وموت الشفايف...

[ندعوك للتسجيل في المنتدى أو التعريف بنفسك لمعاينة هذا الرابط]

أنه بطور الخريف وغيبتك ريح
بغصن ذبلان شتسوي العواصف؟!!

[ندعوك للتسجيل في المنتدى أو التعريف بنفسك لمعاينة هذا الرابط]

وعمر تانيت طيفك ياخذالعين
وردت صوتك يمر..ومرني خايف ....

[ندعوك للتسجيل في المنتدى أو التعريف بنفسك لمعاينة هذا الرابط]

فرق مابين صوتك واليكرهوك
فرق السجن وگلوب المضايف..

[ندعوك للتسجيل في المنتدى أو التعريف بنفسك لمعاينة هذا الرابط]

بعدني أذكر ضحكتك وأذبل فراگ
ولهسه بّاب صوتك عقلي واگف..

[ندعوك للتسجيل في المنتدى أو التعريف بنفسك لمعاينة هذا الرابط]

عود الناس مثلك تهمس وياي
أخلافك كلهن اسمعهن قذايف!..

[ندعوك للتسجيل في المنتدى أو التعريف بنفسك لمعاينة هذا الرابط]

بطرگ ساتر غيابك مابقه سلاح
الحچي ينزل رصاص وآنه اشاگف=

[ندعوك للتسجيل في المنتدى أو التعريف بنفسك لمعاينة هذا الرابط]

بديه ... وينتهي دور البطولات
وتخطف ذكرياتك والسوالف..

[ندعوك للتسجيل في المنتدى أو التعريف بنفسك لمعاينة هذا الرابط]

وأحن لكلشي بيك وكلهن ثگال
صوتك عينك أسمك والشفايف

[ندعوك للتسجيل في المنتدى أو التعريف بنفسك لمعاينة هذا الرابط]

لطفولتنه لدمعنه لكلشي حنيت
لبساطتنه لذهب ليل الصرايف....

[ندعوك للتسجيل في المنتدى أو التعريف بنفسك لمعاينة هذا الرابط]

لحچايات أهلنه لبيض الگلوب
لسياسة مستحه تحل المواقف..

[ندعوك للتسجيل في المنتدى أو التعريف بنفسك لمعاينة هذا الرابط]

الچانوا عنك يگلولي أنساه
وأگلهم مايخالف حته أخالف.

[ندعوك للتسجيل في المنتدى أو التعريف بنفسك لمعاينة هذا الرابط]

أنسه شلون وانت بجرحي مرسوم!
شما يبچي الجرح تنزل عواطف..

[ندعوك للتسجيل في المنتدى أو التعريف بنفسك لمعاينة هذا الرابط]

شگد جروح تنزف بيه وتموت
بس جرحك كتلني وبعده نازف ..

[ندعوك للتسجيل في المنتدى أو التعريف بنفسك لمعاينة هذا الرابط]

وگبلك شايف وعايف عصافير
بس من شفتك ولاچني شايف..

[ندعوك للتسجيل في المنتدى أو التعريف بنفسك لمعاينة هذا الرابط]

چنت چم مره تخطف خطفة الريل
وين الله وتظل هالمره واگف..

[ندعوك للتسجيل في المنتدى أو التعريف بنفسك لمعاينة هذا الرابط]

خلافك تايه مسافر بالوجوه
شكثر صاحو وراي ومااوالف...

[ندعوك للتسجيل في المنتدى أو التعريف بنفسك لمعاينة هذا الرابط]

وشگد حاولوا بس مادرت بال
شلون ألتذ بغيرك وانه حالف!!

[ندعوك للتسجيل في المنتدى أو التعريف بنفسك لمعاينة هذا الرابط]

ألك ضميت كلشي شفافي والناي
خاطر من تجي توّن الصرايف...

[ندعوك للتسجيل في المنتدى أو التعريف بنفسك لمعاينة هذا الرابط]

ولو شمسك طفت بس راح أتانيك
وأضم دفتر جروحك والمصاحف..

[ندعوك للتسجيل في المنتدى أو التعريف بنفسك لمعاينة هذا الرابط]

وعله أطراف المدينه أزرعلك عيون
وتمر وتشوفهه تبچّي المشارف

[ندعوك للتسجيل في المنتدى أو التعريف بنفسك لمعاينة هذا الرابط]

وّلو لمن تجي حاسبلك تروح
وأموت بروحتك بس راح أجازف ..

[ندعوك للتسجيل في المنتدى أو التعريف بنفسك لمعاينة هذا الرابط]

ياهو الگالك خلصت سلامات!
وياهو الگالك صارت سوالف!!

[ندعوك للتسجيل في المنتدى أو التعريف بنفسك لمعاينة هذا الرابط]

من شوغة حزن لحچاية وداع
(وصرتلك سالفه بحلگ الطوايف)

[ندعوك للتسجيل في المنتدى أو التعريف بنفسك لمعاينة هذا الرابط]

وصرت لوحة جرح من خنجرك ذاك
وّلاغربه اشترتني ولامعارف..

[ندعوك للتسجيل في المنتدى أو التعريف بنفسك لمعاينة هذا الرابط]

صرت لوحة جرح بالنزف ماطار
و مثل طرّك بگلبي السيف ماطار
أنكسر جنحي بعد لتخاف ماطار
بقفص.. بره القفص.. نفس القضيه

[ندعوك للتسجيل في المنتدى أو التعريف بنفسك لمعاينة هذا الرابط]

منقول

[ندعوك للتسجيل في المنتدى أو التعريف بنفسك لمعاينة هذا الرابط]

تحياتي
[ندعوك للتسجيل في المنتدى أو التعريف بنفسك لمعاينة هذا الرابط]